Petishon pa yudansa den kaso di asesinato na Campo Alegre Resort. VIDEO

KOMUNIKADO DI PRENSA 484/ 2019
15 novèmber 2019
Petishon pa yudansa den kaso di asesinato na Campo Alegre Resort.
Departamentu di Komunikashon i Prevenshon

KUERPO POLISIAL KÒRSOU
Telefòn: 866-6150 • 866-6152 • 866-6153 •
866-6154 • 866-6156 • 866-6158 •
E-mail: pr.polis@polis.cw
Wèpsait: www.polis.cw
Facebook : Korps Politie Curaçao
Adrès: Winston Churchillweg z/n • Willemstad • Curaçao
SIRBI I PROTEHÁ
Relashoná ku un kaso di tiramentu ku a tuma lugá dia 6 di novèmber último
(komunikado di prensa 468/2019), pafó di e sentro di dibertishon Campo Alegre
Resort, polis ta hasi un apelashon na komunidat pa yuda ku informashon ku por
kontribuí na solushon di e kaso.
Riba e dia en kestion, un dama a yega den un outo blanku na e sentro aki i a baha for
di e vehíkulo despues ku esaki a wòrdu stashoná riba e lugá di stashoná outo.
E sospechoso femenino a kana bai den direkshon di entrada di e sentro i algun meter
promé ku e entrada prinsipal, a saka un arma di kandela ku e tabatin den su poder i
los algun tiru dirigí riba un personal di seguridat.
Tiru for di e arma aki a alkansá e víktima, ku konsekuensia ku el a fayesé na e sitio.
Despues di su akto, e sospechoso a kore bai bek den direkshon di e outo den kua el a
yega na e sitio.
Kualke persona ku por rekonosé e dama riba e grabashon òf potrèt aki òf tin mas
informashon di e kaso aki, sea asina bon di tuma kontakto ku polis na e numbernan
917 (24 ora pa dia) òf 108, si bo ta deseá di keda anónimo.
Kuerpo Polisial ta gradisí komunidat di antemano pa e koperashon.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: