Programa spesial pa yegada di nos selekshon di Kampion! Awe ‘nochi mitar di 8 nos selekshon lo yega Kòrsou!
Programa spesial pa yegada di nos selekshon di Kampion! Awe ‘nochi mitar di 8 nos selekshon lo yega Kòrsou!
Awe ‘nochi, 26 di yüni, mitar di 8, nos selekshon nashonal ku a titulá nan mes komo e kampionnan di Karibe lo regresá Kòrsou. Esaki despues ku ayera durante e gran final di e Scotiabank Caribbean Cup 2017 nan a sa di gana e selekshon di Jamaica ku e skor di 2-1. Ámbos gol a keda anotá pa Elson ‘Sontje’ Hooi. Aparte di e gran logro aki 3 di nos hungadónan a risibí algun prestigioso premio. Esaki nan ta Elson ‘Sontje’ Hooi ku a risibí e premio di MVP di e torneo aki, Eloy Room ku a optené e premio di mihó portero i Gino van Kessel ku a risibí e premio di máksimo goliadó.
Direktiva di FFK i mandadarionan di Kòrsou lo bai aeropuerto pa risibí nos selekshon kampion di Karibe. Despues di e akto aki, riba inisitaiva di Sr.Julius Coco, e selekshon ta sali pa un parada for di aeropuerto pa Plasa Brion. E ruta ta lo siguiente; Hato-Rooseveltweg-Wishi i Marchena-Roodeweg-Kaya grandi di Otrobanda-Plasa Brion. Na Plasa Brion lo tin un seremonia chikí ku algun diskurso di nos mandatarionan i dirigentenan di FFK.
Invitashon ta bai na hinter e pueblo di Kòrsou pa bin risibí nos selekshon kampion pa e gran hazaña ku nan a hasi! Sali kas ku bo bandera, t-shirt, shal i bon beis pa bin risibí nos ekipo kampion!
