Dia nashonal di ámtenar Motivá otro pa kosechá servisio integro i profeshonal

Dia nashonal di ámtenar Motivá otro pa kosechá servisio integro i profeshonal

Willemstad – Ministerio di Maneho di Gobernashon, Planifikashon i Servisio Públiko
a invitá su personal pa partisipá awe na un aktividat na Word Trade Center den kuadro di dia nashonal di ámtenar. Tema di e aktividat aki: ‘Nos ta traha huntu pa yega na un bon kosecha!’

Meta di aktividat ta, pa motivá i inspirá otro pa duna servisio aun mas mihó. Ministerio di Maneho di Gobernashon, Planifikashon i Servisio Públiko tin e otro tarea pa duna servisio di un manera optimal tantu na públiko komo na otro ministerionan. Mester mantené empleadonan públiko motivá, profeshonal i intergro pa duna bon servisio. E Minister responsabel, Armin Konket, ta hopi konsiente di esaki i ta kumpliendo ku e reto pa motivá empleadonan públiko di un manera original.

Tur grupo di kolega presente a keda konfiá ku un mata. E koleganan a traha huntu ku nan tim i a planta e mata den un pòchi. Huntu e koleganan mester sigui kultivá e mata. Meta di e akto aki ta pa purba garantisá ku lo sigui traha huntu pa logra metanan grandi den futuro. Speransa ta ku sigun e mata ta krese i bona, e tim i koleganan lo bira mas uní ku otro i sigui hasi nan trabou ku mas amor.

Diferente pais na mundu tin un dia ku nan ta balorá nan sirbidónan públiko. Konseho di minister a disidí ku na Kòrsou tambe nos ta pone atenshon riba e dia aki tur aña riba 27 di yüni. Ta importante balorá nos sirbidónan públiko, paso un komunidat demokrátiko ku bon gobernashon no por eksistí sin un base di konfiansa i sin sirbidónan públiko kompetente i íntegro.

E aña aki kada ministerio a duna kontenido na dia di ámtenar na nan propio manera.
A tene kuenta mas tantu posibel pa e aktividat no bai a kosto di servisio na públiko.