KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

PAR: karta na Minister Girigorie – klaridat riba kámaranan.

Na: Minister di Hustisia
Sr. Quincy Girigorie
Wilhelminaplein s/n
Presente

Kòrsou, 22 di yüni 2017.

Tópiko: Klaridat riba kámaranan.

Apresiabel minister Girigorie,

Infrakshonnan den tráfiko ta sosode ku hopi frekuensia riba nos kareteranan i den mayoria di kaso e susesonan aki tin konsekuensianan lamentabel tantu pa esnan direktamente involukrá komo nan sernan kerí. Komo gobièrnu responsabel nos ta kere ku gobièrnu mester hasi tur loke ta na su alkanse pa garantisá via di tráfiko konstante pa nos outo mobilistanan dor di implementá un maneho pa un tráfiko safe i sigur pa tur nos siudadanonan.
Frakshon di Partido Alternativa Real – PAR- a tuma nota di e ‘montura T ku kámaranan’ situá riba Helmin Magno Wiels Bouelvard, un bon inisiativa sigur.
Nos ta di opinion ku e kámaranan aki lo kontribuí den por lo ménos 2 aspekto ku ta:
1. proseso psigologiko kaminda nos outomobilistanan lo kuminsá kontrolá nan velosidat riba e kaminda aki i asina e kantidat di aksidente riba e kaminda aki ta baha.
2. den parti di safety pa e peatonnan ku ta hasi uso diariamente di e ruta aki pa e.o aktividatnan di paseo deportivo/ rekreativo.

Teniendo na kuenta e puntonan ariba menshoná nos ta hasi uso di artikulo 96 di nos Reglamentu di Orden pa hasi minister e siguiente preguntanan pa asina haña mas klaridat riba e asuntu aki.

1. Minister por informá Parlamento kua tipo di kámara a keda usa na e lokalidat aki?
2. Minister por informá Parlamento si e kámaranan aki ta operashonal kaba?
3. Si esei no ta e kaso ki tempu e kámaranan aki lo bira operashonal?
4. Tin intenshon pa pone kámara na otro lokalidatnan riba nos isla?
5. Kua departamento di gobièrnu of instansia lo operá e sistema aki?
6. Tin un programa di mantenshon pa ku e kámaranan aki?

7. Minister por informá ora konstatá un infrakshon kon lo prosedé pa atendé esaki?
8. Minister por duna e lapso di tempu entre e proseso di konstatá un infrakshon i ehekushon di akshon pa ku e infrakshon aki?

Frakshon di PAR ta konvensí ku pa Kòrsou su tráfiko bira mas safe i sigur tantu gobièrnu komo siudadanonan mester asumí nan responsabilidat pa ku esaki.
Un Kòrsou safe i sigur ta bon pa nos tur!

Atentamente,

Jeser El Ayoubi
Miembro di Parlamento Partido Alternativa Real

Leave a Reply

This site uses Akismet to reduce spam. Learn how your comment data is processed.