A ofisialisá patrosinio na tim di beisbòl The Champs! Subway kampion den sèntwich i kampion riba vèlt

A ofisialisá patrosinio na tim di beisbòl The Champs! Subway kampion den sèntwich i kampion riba vèlt

Willemstad, Kòrsou: Djarason último tim di sòftbòl The Champs a bishitá ofisina prinsipal di Hucor Holding N.V. pa entregá e promé unifòrm na nan patrosinador Subway. E hóbennan di The Champs ta forma parti di Fundashon Hóben Deportivo ku tin komo meta pa yuda den formashon i desaroyo deportivo di mucha muhé i mucha hòmbernan di entre 5 pa 24 aña di edat.

Fundashon Hóben Deportivo ta duna guia den beisbòl, sòftbòl, futbòl, basketbòl i vòlibòl. Ademas ta hasi aktividatnan deportivo durante aña ku e muchanan. Aña pasá nan a kuminsá praktiká ku hóbennan di 19 pa 24 aña di edat pa nan partisipashon den e próksimo kampionato di beisbòl Klase A. E ekipo lo karga nòmber di B.B.C. The Champs, i for di djarason último nan tin Subway komo nan patrosinador! “Nos a mira potensial den e hóbennan i ta sostené e meta di e fundashon. Nos ta masha kontentu di por forma parti di e tim i nos ta deseá nan hopi éksito den e trayekto di entrenamentu i próksimamente ku nan partisipashon na e kampionato. Nos ta premirá resultadonan positivo. Importante ta, partisipá. Ku esfuerso i disiplina tur meta por wòrdu kumplí. Hopi éksito!”, esaki di akuerdo ku sra. Surella Veeris di Subway.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: