Cas di Aruba a atende seminario di Colombia na Hulanda.

Cas di Aruba a atende seminario di Colombia na Hulanda.

Recientemente a tuma lugar na Zoetermeer e seminario “Colombia in the Spotlight”organisa door di evofenedex, conhuntamente cu embahada di Colombia na Hulanda, embahada di Hulanda na Colombia, ProColombia y Holland House na Colombia. E programma a enfoca riba e sectornan di transporte, logistico, maritimo y agro-food y a conta cu participacion di mas cu 60 representante di companianan y instancianan Hulandes cu ta hasi negoshi cu Colombia of cu ta interesa den esaki.

Durante e seminario tabata tin varios presentacion, entre otro di Procolombia, Holland House, Business Bridge, RVO, STC-Group, Ministerio di Asuntonan Economico di Hulanda, Meijer Advocaten y tambe di expertonan Hulandes cu tin hopi aña ta hasi negoshi na Colombia. E ambahador Hulandes suplente a yama for di Bogota via Skype pa duna su presentacion y a menciona cu paisnan di Reino Hulandes ta cerka di Colombia, y cu na Aruba tin hopi Colombiano ta biba, cual ta hasi cu tin un contacto estrecho entre cuidadanonan di Aruba y Colombia. Tambe e la menciona cu for di e islanan den reino tin un mercado importante pa Colombia cual ta esun di turismo medico.

E sectornan cu Colombia ta enfoka riba dje ta, watermanagement, transporte & logistico, sector primario, ciencia & salud y industria creativo. Colombia su economia ta crese kada aña cu dos porciento y esey ta brinda oportunidad pa companianan Hulandes sigui inverti den Colombia. Tin hopi desaroyo tumando lugar na Colombia y esey ta hopi interesante pa companianan Hulandes. Mirando e vision di gobierno pa e green gateway ta importante pa Aruba keda mantene contacto cu companianan Hulandes pa convense nan pa uza Aruba como e base pa hasi negoshi na Colombia. E bentahanan cu companianan Hulandes tin si nan establece nan mes na Aruba ta entre otro cu nan ta riba un pais den Reino, caminda e sistema legal ta Hulandes. Ademas na Aruba ta papia varios idioma y tin conocemento di e cultura di Colombia.

E funcionarionan di Cas di Aruba, Angelique Thodé y Roy Hart, a hasi uzo di e oportunidad pa papia cu personanan cu conose e mercado di Colombia bon, entre otro Sr. van Bokhoven, director di Holland House na Bogota, kende a remarca cu tin bon combercacionnan tumando lugar entre Holland House y ATIA pa sostene companianan Arubiano pa hasi negoshi na Colombia. Tambe tabata tin combersacion cu e Minister Plenipotenciario di Colombia, Sr. Alvaro Gutierrez y e representante economico di emba-hada di Colombia na Hulanda, caminda a discuti respectivamente desaroyonan na Colombia y Aruba y a palabra di lo sigui combersacionnan pa explora posibilidadnan di cooperacion mutuo. A probecha di e ocasion pa distribui documentonan informativo di Aruba, manera e ‘2020 vision, Green Deck Aruba’ y ‘Aruba Dushi Tera’.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: