​Cuerpo Policial Aruba ta anuncia: Fayecemento di nos colega Sr. Tino Ruiz cu a fayece eherciendo su trabou brindando asistencia policial.

Cuerpo Policial Aruba ta anuncia

Cu tristesa den nos curason nos ta anuncia fayecemento di nos colega Sr. Tino Ruiz cu a fayece eherciendo su trabou brindando asistencia policial.

Tino Ruiz un persona amabel, disciplina, respeta y cla pa yuda na unda cu mester, e ta un ehempel pa nos tur den Cuerpo Policial.

Nos a perde un colega, un amigo y un ruman den uniform blou.

Nos ta extende palabranan di profundo condolencia y hopi forsa na nos coleganan policial, su famia, amistadnan y su ser nan keri.

Cu nos bon ruman Tino Ruiz “Man in blue” sosega na paz.