ANOCHI KU LUNA YEN KU TÍTULO: HISTORIA I TALENTO DI ‘N PISKADÓ

ANOCHI KU LUNA YEN KU TÍTULO: HISTORIA I TALENTO DI ‘N PISKADÓ

Kralendijk – SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. Manera ta konosí kaba ku SKAL ta keda pone énfasis riba e meta kual ta pa stimulá otro pa skirbi, deklamá, konta un storia, kanta i presentá un òf mas obra kòrtiku na papiamentu durante e aktividat. SKAL su tarea ta pa yuda stimulá i purba mantené e aktividat di Anochi ku Luna Yen den su forma di orígen mas tantu ku ta posibel i ta invitá bo pa bini ku bo obra pa presentá. No neglishá bo kapasidat i bin demostrá ku bo por. Nos ta respetá tur obra. Naturalmente ku eksepshon di palabranan bulgar, polítika, problemanan personal i tur loke nan ku no ta kuadra ku nos aktividat.
Manera semper, ta kompletamente liber si bo ke trese algu di boka dushi pa kompartí ku otro bishitante nan i un súplika pa tur hende bini ku nan propio stul. SKAL su gratitut di por mira bèk esnan ku a prinsipiá e aktividat aki. Anochi ku Luna Yen ta un aktividat sosial di pueblo i pa pueblo, pues tur hende ta keda kòrdialmente bon biní.
E Luna Yen aki nos ta di bishita na LAC serka FAMIA THEODORA-NICOLAAS-SOLIANO, kariñosamente yamá MAMA LELIA, kant’i awa na Rancho “The Keet”, e anochi aki lo bai tin un bista amplio di e tema HISTORIA I TALENTO di ‘n Piskadó Boneriano.
“THE KEET“ Inspirashon den naturalesa, ku solo ta duna kurashi na Luna Yen, e lus vírgen di luna ta inspirá, ta invoká den ‘n vanidat inolvidabel den bahia di LAC.
Esaki ta pa kreashon i motivashon artístiko pa nos hóbennan por sigui ku e ehèmpelnan di su karera artístiko.

Sitio: Rancho “The Keet”
Adrès: LAC
Fecha: Djadumingu 09 – 07 – 2017
Orario: 19:00 – 21:00 or

Transporte: Grátis pa esnan ku no tin propio medio di transporte.
Bùs lo sali for di RINCON i sigui pa bishitantenan di na SKAL i despues pa direkshon di e sitio di aktividat ku ta na LAC serka MAMA LELIA.
Un súplika ta bai na personanan ku no tin nan propio transporte pa avisá na tempu na SKAL.

Por tuma kontakto ku kolaboradónan:

• Sr. Ubaldo Anthony – 7174935
• Sr. Orlando Francisca – 7862131 òf 7962131
• SKAL 7175330 ext. 344

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: