Konmemorashon 206 aña independensia di Venezuela

Konmemorashon 206 aña independensia di Venezuela

Kralendijk, Djarason 5 di yüli den oranan di mainta a konmemorá 206 aña ku a deklará independensia di Venezuela. E akto protokolar a tuma lugá na plasa Simon Bolivar.
Sr. Carlos Gimene maestro di seremonia pa e mainta aki a yama kònsel General, sra. Yadira Pirela i e kuerpo diplomátiko bon bini. Sra. diputado Rolanda Hellburg-Makaai i su konsehero sra. Edwina Molina tambe a risibí palabranan di bonbiní na e akto floral aki.

Sra. Yadira Pirela ta boga pa trese pas i trankilidat bek na Pais Venezuela mirando e situashon aktual den e Pais. Finalmente e kònsel a gradisí diputado Hellburg-Makaai i su konsehero pa nan presensia mirando ku ta sumamente importante pa mantené e bon relashon entre e pueblo Venezolano i di Boneiru.

Diputado Hellburg-Makaai na nòmber di gobièrnu di Boneiru a felisitá e komunidat Venezolano ku nan selebrashon di nan doshentiseis aña di independensia. Tambe sra. diputado a vosifera su speransa ku pas lo reina na Venezuela.

Finalmente a tuma lugá e akto floral ku ponementu di krans na e busto di Simon Bolivar.