Pasobra bo ta meresé un treat! Graduadonan di 2017 ta risibí nan lunch òf dinner grátis na Nautilus Restaurant durante henter luna di yüli

Pasobra bo ta meresé un treat! Graduadonan di 2017 ta risibí nan lunch òf dinner grátis na Nautilus Restaurant durante henter luna di yüli

Willemstad – Yüli – Renaissance Curaçao Resort ta selebrá ku graduadonan di 2017! Ta di komprondé ku ora hóbennan demostrá nan empeño pa alkansá éksito esaki mester wòrdu rekompensá. Durante di henter e luna aki, Nautilus Restaurant situá na Renaissance Curaçao Resort tin un spesial pa tur graduado- i nan mayornan. Ademas di ta un momentu perfekto pa mayor ku yu kòmbersá den un ambiente ameno riba futuro, e lunch òf dinner bufèt di Nautilus ta ideal pa selebrá e logro bunita di graduashon ku un sukulento plato.

Presentá ku e diploma i e yu resien graduá ta risibí su lunch of dinner grátis na Nautilus Restaurant. E promoshon ta bálido pa henter luna di yüli. Pa risibí e lunch of dinner grátis e yu mester wòrdu kompañá pa dos mayor òf adulto. Tuma nota ku e opsekio ta únikamente pa e graduadonan di 2017 di Grupo 8, VSBO, SBO, HAVVO, VWO i Universidat- no pa e mayornan. Ta rekerí reservashon adelantá; por yama 435.5034. Renaissance Curaçao Resort i Nautilus Restaurant ta invitá tur mayor pa selebrá esfuerso di nan yu, pasobra nan meresé!