Akto di Protesta di Venesolanonan na Plasa Bolivar!

5 di Yuly tras di lomba un grupo di venesolanonan residensia na Boneiru nan a hasi un “akto di protesta pasifiko” pa lo ke ta trata e DIKTADURA na Venezuela i e krisis general di nan pais.
E akto aki tabata hopi emoshonal i speshal pasobra a  wordu realisa riba e dia di Venezuela su independensha, i na mesun dia Asamblea Nashonal di Venezuela tabata birando ataka pa kolektivonan pro-gobierno ku nan a drenta di forma agresivo i bai kontra Diputadonan i hasta herida nan.
E komun emoshon ku venesolanonan tabata tin tabata ku nan ta rechasa diktadura na Venezuela i nan ta apoya nan famianan i amigonan ku ta biba na nan pais. 
Despues di tende nan himno nashonal a bini palabranan di algun di presentanan kien a manifesta di un forma simple pero ku hopi pasion nan sentimentonan pa ku nan pais, e akto a finalisa ku e kolokashon di un ofrenda ku tabata un map di Venezuela kaminda tur presentanan a buta nan deseonan i pensamentonan pa ku nan pais i su hendenan.

E grupo aki a bisa ku nan ta bai keda aktivo tanten en situashon di Venezuela ta keda asina delikado, agresivo i diktatorial; nan ta pidi LIBERTAT i DEMOKRASIA!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: