A sobra algun lugá pa Plan di fakansi 2017 di Sentro di Bario Montaña

A sobra algun lugá pa Plan di fakansi 2017 di Sentro di Bario Montaña

A sobra algun lugá pa partisipá na nos Plan di fakansi 2017. E aña aki nos ta bolbe organisá nos plan di fakansi ku tur aña ta un éksito rotundo ku partisipashon di mas o ménos 100 mucha. E aña aki nos ta kumpli 11 aña.
E aña aki e tema ta : “Ban duna balor na Tera, Laman i Aire”

Dia di 17 yüli 2017 te 28 yüli 2017 e mucha lo siña eksplorá, eksperensiá i asina e ta siña duna balor i siña mas di nos tera, laman i aire . E aktividatnan aki den fakansi ta pa muchanan di Montaña i bisindario. E mucha lo pasa dianan hopi interesante; e ta traha obra di man; tin dia di deporte. Lo tin charlanan hopi interesante i e lo konosé i diskubrí diferente parti di Kòrsou. Asina e mucha lo balorá i respetá loke nos isla ta ofresé; lo tin tambe un dia di siña kushiná, traha pasaboka i hopi mas.
Kon pa partisipá?
Si e yu tin edat di 5 pa 15 aña e por partisipá.
Djis pasa yena e formulario ku firma di e mayor responsabel pa e mucha.
Tur dia parti mainta por yena e formulario entre 8’or pa 12’or mèrdia
I djarason i djabièrnè e siman aki di 6’or pa 7.30 anochi
Kada kontribushon mester ta pagá promé ku 14 yüli 2017 na Sentro di Bario Montaña
Kada mucha mester bisti un T-shirt, un djins i kèts na pia.

Koló DI T-SHIRT TA DEPENDE DI EDAT DI E MUCHA; POR HAÑA INFO NA SENTRO
Ki dia e plan di vakashon ta kuminsá ?
E plan di fakansi ta dura 2 siman di djaluna pa djabièrnè.
E ta kuminsá dia 17 yüli i ta terminá dia 28 yüli 2017.
Ora : 7’or di mainta pa 1’or mèrdia.
Lugá : Sentro di Bario Montaña (Stakamachiweg z/n dilanti santana di Montaña)

Pa mas informashon, pregunta o sugerensia por tuma kontakto ku Sentro di Bario Montaña na Stakamahachiweg entre 9’or mainta 12‘or mèrdia; atardi entre 5’or pa 7’or anochi . Por yama: 767-1600/513-3595 / 529-5512 òf mail na sentro_bario_montana@hotmail.com. Kòrda aña pasá hopi mucha a keda afó; nos no por a tuma mas ku 100 mucha pasobra e kantidat di mucha ta limitá.

This site uses Akismet to reduce spam. Learn how your comment data is processed.

error: Content is protected !!
%d bloggers like this: