Direktiva di Amak i Licores Maduro ta firma akuèrdo 2020-2024.

 

Direktiva di Amak i Licores Maduro ta firma akuèrdo 2020-2024.

Djabièrnè último 6 di sèptèmber, presidente di Amak, Sr.Feko Gomes i direktor-propietiario di Licores Maduro, Sr. Omar van der Dijs, a firma un akuèrdo di importante , relashoná ku Festival di Tumba pa un periodo di 5 aña.

Ta bon pa menshoná aki, ku Dewars White label, ta e úniko produkto komesrsial ku semper a sostené Festival di Tumba, i ku e akuèrdo aki sr. Omar van der Dijs, a demostrá, ku e ta kere firmemente den e produkto: Festival di tumba.

Aparte ku Licores Maduro ta e promé “brandingpartner” ku a firma, semper Licores Maduro ta duna un sostén pa kubri gastunan di imprenta di karchinan di entrada, ku tambe ta un montante respetá i e ta  kontribuí ku produkto.

Ounke e stuashon ekonómiko di pais, ta menos bon, sr. Van der Dijs ta enfatisá, ku komersiantenan mester  duna un aporte pa savalguardiá e festival kultural musikal mas grandi na Kòrsou, ku ta festival di tumba, ku ta bai pa su di 50 edishon.

Aparte di su balor kultural, festival di tumba, ta di gran importansia, pa nos desaroyo Turístko i ekonómiko.

Firmando e akuèrdo aki, sr. Van der Dijs, kier demostrá su konfiansa den e aktual direktiva.

Tin dos kompania mas ku a duna palabra i den kurso di dianan, lo aserká, e potensial kandidatonan pa bira “ brandingpartner” di Festival di Tumba 2020.

Ta e intenshon, pa durante un konferensia grandi na fin di òtober, presentá e famia “brandingpartners” festival di tumba 2020.

Direktiva di Amak

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: