Orashon djasabra 15 di yüli 2017

Orashon djasabra 15 di yüli 2017

Un disipel no ta riba su maestro ni un kriá no ta riba su shon! Pa un disipel mester ta sufisiente si e bira manera su maestro i pa e kriá si e bira manera su shon. Si kabes di kas mes nan a yama Belzebul, ki ta para pa su hendenan di kas? P’esei no tene miedu di hende. Lo deskubrí tur loke ta tapá; lo saka tur sekreto pone na kla. Loke Mi bisa boso den skuridat, proklam’é di dia kla; loke bisa boso ketuketu, grit’é na bos altu for di riba dak! No tene miedu di esnan ku por mata kurpa di hende, ma no por mata su alma sí; mas bien tene miedu di Dios ku tin poder pa destruí kurpa i alma den fièrnu. Dos para chikí ta kosta dos plaka, tòg? Ma niun di nan no ta kai na suela sin boso Tata ke. Pa loke ta trata boso, asta tur boso drachinan di kabei ta kontá. P’esei no tene miedu, pasobra boso ta bal mas ku hopi para! Si kualke hende deklará públikamente ku e ta na mi banda, Mi tambe lo deklará dilanti di mi Tata ku ta den shelu, ku Mi ta na su banda. Ma ken ku nenga públikamente ku nan konosé Mi, Mi tambe lo nenga ku Mi konosé nan dilanti di mi Tata ku ta den shelu.
Mateo 10:24‭-‬33