KOMUNIKADO DI KUERPO POLISIAL KÒRSOU Detenshon relashoná ku asesinato.

KOMUNIKADO DI KUERPO POLISIAL KÒRSOU
248 / 2017
17 yüli 2017
Detenshon relashoná ku asesinato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 17 di yüli 2017 den oranan trempan di mainta Personal di Tim di Reshèrshi enkargá ku homisidio, konhuntamente ku Tim di Atrako i Tim di Aresto a hasi detenshon di tres hòmber sospechoso.
Detenshon ta relashoná ku un kaso kaminda a lokalisá un kurpa sin bida den área di Klein Hofje, (komunikado di prensa 124/2017). Kaminda despues di un investigashon dor di NFI na Hulanda, a determiná ku ta trata aki di e hòmber Hussein El Naijar nasé na Libanon ku tabata pèrdí. Na Frederickstraat polis a detené e hòmber R.J.R.V. nasé na Venezuela di 25 aña di edat. Na un kas na Seru Fortuna a detené e hòmber S.H.A. nasé na Kòrsou di 23 aña di edat. Na De Savaan polis a detené e hòmber L.A.A.G. nasé na Venezuela di 26 aña di edat. Tur tres sospechoso ta detené relashoná ku asesinato. A presentá tur tres sospechoso dilanti un Fiskal Ouksiliar ku a ordená nan enkarselashon pendiente di mas investigashon.
Tambe polis a hasi entrada hudisial den un kas na De Savaan i un kas na Fuik.
Durante di e investigashon polis a detené tres hòmber i dos dama di nashonalidat Venezolano ku no por a presentá e dokumentunan nesesario pa por permanesé riba nos isla. A hiba tur sinku persona na Departamento di Imigrashon Rio Canario pendiente di nan deportashon.
Investigashon den e kaso di asesinato ta kontinuá.