Detenshon pa violashon di lei di arma di kandela.

KOMUNIKADO DI PRENSA
207 / 2019
29 mei 2019
Detenshon pa violashon di lei di arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 29 di mei 2019, alrededor di 02.49’or di mardugá, polis durante nan patruya
rutinario a nota un vehíkulo pará riba Heintjekoolweg ku baul habrí. Mesora nan a aserká e
personanan ku tabata na e vehikulo pa un kontrol. Durante kontrol den e vehíkulo polis a
haña i konfiská un mashin di bor, dos mashin di zag i un arma di kandela. Relashoná ku esaki
a detené na e sitio e hòmbernan sospechoso:
 S.E.P.C. nasé na Venezuela di 22 aña di edat;
 D.J.J.M. nasé na Kòrsou di 25 aña di edat, pa violashon di lei di arma di kandela.
Tambe a konfiská e vehíkulo pa mas investigashon.
A presentá ámbos sospechoso dilanti di un Fiskal Ouksiliar ku a ordená nan enkarselamentu
pendiente di mas investigashon.

Klik aki pa bo haña mas notisia i gratis kompletamente pornada : https://play.google.com/store/apps/details?id=com.coffye.vktuxf