PPA TA BOGA PA CREA UN ‘EDUCATION VILLAGE Y UN EDUCATION FREE ZONE’ DEVELOPMENT

BENNY NISBET (PPA)
‘ PPA TA BOGA PA CREA UN ‘EDUCATION VILLAGE Y UN EDUCATION FREE ZONE’ DEVELOPMENT !!’
Gobierno di AVP wowo sera pa otro idea cu ta biba den nos sociedad a kaba di firma un acuerdo cu A.I.B pa bende x JFK scol cu e meta cu AIB lo drechele y ‘huur’ e bek na gobierno unda e departamentonan di Ensenansa lo worde ubica.
PPA kier inicia pa bisa cu PPA ta un partido cu tin den nos programa cu ‘Ensenansa ta Prioridad no UNO(1)! Sin embargo PPA den e caso specifico aki mester tene cuenta cu ‘siguridad’ di nos pueblo di Aruba tambe cu ta bao di pression enorme pa motibo di e cantidad di crimen cu ta tumando riba nos Isla. Pa e motibo serio di mehora ‘Siguridad’ y eleva e lucha contra criminalidad riba nos Isla PPA no por sostene e maneho di gobierno aki pero ta boga pa x JFK worde destina como e proximo ‘Warda di Polis pa Oranjestad y Dakota !!Y esaki ta un parti essencial di nos Masterplan pa eleva Siguridad riba nos Isla.
PPA ta basa nos posicion riba e sigiente argumento:
1. E sitio di JFK scol ta un sitio strategico for di unda Cuerpo di Polis por sali “uitrukmogelijkheden’ den tur direccion. Via stadionweg y Vondollaan pa Dakota/Tarabana, Via Vondellaan, LG Smith blvrd , Lacle Blvrd pa Oranjestad y p/m di LGSmith Blvrd pa Aeropuerto y otro districto di Aruba pa duna asistencia.
2. E sitio di JFK scol ta bisinja di nos Ontvanger der Belastingen y otro edificio di gobierno y priva. Imaginambo nos Ontvanger der Belastingen ta un par di cien meter for di lama. Si cualkier grupo di criminal hinkele den nan cabez pa ataka Ontvanger …e danjo lo ta immense. Cu Warda di polis pa Oranjestad y Dakota situa como vecinja ….ningun grupo lo purba e Aventura ey fascilmente.
3. E sitio JFK scol ta net dilanti e desaroyo nobo dilanti di x Talk of the Town/Strand….presencia di polis riba un distancia cortico lo contribui na mantene paz y trankilidad.
4. E sitio JFK scol ta situa na e skina di e ruta mas importante di nos fiesta nacional esta Vondellaan y LGSmith blvrd …..strategicamente pa mantene orden for di e sitio strategico aki!
Awor PPA jamas lo desea cambio sin presenta un soluccion miho pa ensenansa en general !!
UN EDUCATION VILLAGE !!
PPA ta propone e sigiente vision y idea como soluccion pa e sitio for di unda Ensenansa lo por funciona efficientemente den futuro. PPA ta visualisa esaki como pa ‘nort’ di e retondo na Cumana cu awor ta bao di construccion lo por bira e sitio pa un desaroyo nobo cu PPA ta jama ‘EDUCATION VILLAGE Y UN EDUCATION FREE ZONE’.
PPA ta propone cu como gobierno of den parlamento PPA lo contribui na lo sigiente:
1. Funda un compania cu lo ta 100% di gobierno/pueblo !
2. Pasa un pida tereno grandisimo pa e compania den propiedad …PPA ta pensando den algun veld di voetball ….!!
3. Esaki lo sirbi como ‘colateral’ pa e compania hanja fondo presta cerca Banco y Instituto financiero.
4. E compania aki lo construi edificio den e asina jama EDUCATION VILLAGE segun deseo y acuerdo cu p.e. Ministerio di Ensenansa, Inspectie di Ensenansa, Departamento di Ensenansa etc. E compania lo por jega na acuerdo cu p.e. nos Universidad di Aruba contal e deseo ta existi di nan banda tambe. Tambe edificio destina pa fundacionan di Ensenansa cu desea esaki.
5. E huur cu actualmente gobierno ta paga pa Departamento di Ensenansa y su otro instancia y cu ja kaba ta den presupuesto di pais Aruba lo por sirbi como entrada di e compania pa paga Banco y Instituto financiero bek.
6. Despues di a cumpli cu necesidad di departamento di gobierno e compania EDUCATION VILLAGE & REAL ESTATE por tira vista riba compania priva cu ta ofrece servicio riba tereno cu tin un link commercial cu e mundo di Ensenansa y Educacion y por construi edificio cu nan por ‘huur’ etc…
E vision aki di PPA ta un contesta positivo pa cu necesidad di Departamentonan di Ensenansa, lo crea trabao pa nos Mercado local y lo tin un ‘spin-off effect’ positivo riba nos Economia en general.
Un FREE ZONE DI PROJECTO DI ENSENANSA !!
Na mes momento PPA ta boga pa regla un pida tereno amplio cu lo worde destina como EDUCATION FREE ZONE y lo worde destina pa projectonan local y International cu tin deseo di funciona den e FREE-ZONE bao di un remigen di cierto beneficio fiscal !
Pa Aruba e ta nifica inversion di exterior ! Desaroyo y presencia di un ‘knowledge Center’ y un ‘spin-off’ economico positivo pa desaroyo di nos pais.
E parti positivo di djele ta cu e ta inicia SIN mucho inversion di parti di gobierno di Aruba..esta e inversion ta minimal …esta fundacion di e EDUCATION VILLAGE Y REAL ESTATE COMPANY. Dilanti di notario. Esta pasa e tereno destina pa e Education Village & Real Estate development’ ….y un suma inicial pa paga gasto. Y determina con lo ‘split’ e funcionamento como e EDUCATION VILLAGE como parti normal di Aruba y como lo funciona como e instancia cu ta funciona y dirigi e Education Free Zone Development. PPA no ta exclui cu kizas esaki lo por nifica necesidad pa 2 diferente instancia …pero inicialmente PPA ta propone pa analisa si tin un structura cu e principionan di ‘good governance’ lo por funciona pa ambos idea cual lo nifica menos gasto administrativo etc !! Pero esaki lo por worde discuti den futuro.
Importante pa PPA ta cu como e partido Visionario di Aruba y cu un experiencia amplio PPA ta duna:
A. un contesta positivo riba e discussion nacional pakiko un JFK scol lo mester bai como e proximo warda di polis na Oranjestad y Dakota y
B. Na mes momento duna nos vision con nos lo por acomoda e departamentonan di Ensenansa y
C. Mas ainda crea un desaroyo cu lo tin un impacto economico grandi pa nos sociedad .
No ta por nada cu PPA su titulo di nos programa pa eleccion ta Aruba ……..pa e PROXIMO NIVEL !!

Aruba , 16 di juli 2017 Lider Politico di PPA
BENNY NISBET