PRESENCIA DI TRUCK DI EXTERIOR PA EHECUTA WATTY VOS BLVRD TA TRAPA NOS DERECHO NOS DIGNIDAD Y NOS HONOR

BENNY NISBET (PPA):
‘ PRESENCIA DI TRUCK DI EXTERIOR PA EHECUTA WATTY VOS BLVRD TA TRAPA NOS DERECHO NOS DIGNIDAD Y NOS HONOR !!’
E hecho cu gobierno di AVP a permiti e compania ‘Mota Engil’ cu lo construi e Watty Vos blvrd/Ringweg 3 pa importa un cantidad grandi di ‘truck’ ta algo inacceptable. E intencion aki segun PPA ta trapa riba nos derecho nos dignidad y nos honor como pueblo arubiano. Cu tur projecto grandi cu a worde ejecuta den pasado nunca un insulto asina grandi a sosode pa trece un cantidad enorme di truck grandi for di exterior sin tene cuenta cu esnan na Aruba cu ta biba di e servicio di Truck. Ta como sifuera cu pa ‘Mota Engil’ pais Aruba ta un pais hopi hopi atrasa !!
PPA ta sostene tur e donjo di truck y trahado local cu a bai protesta na e retonde na Cumana siman pasa diabierna ! No por ta sina cu tin tanto extencion di caminda ta tuma lugar riba nos Isla anto nos donjo di truck y trahado arubiano ta worde hala un banda pa otro compania bin cu su trucknan y chauffeur di exterior pa hasi e trabao mientras e arubiano ta keda para na banda ta wak otro di pafo gana e placa …Esaki simpelmente ta absurdo……un insulto contra inteligencia di nos pueblo. Nos ta bolbe ripiti e ta trapa nos derecho nos dignidad y nos honor como pueblo.
AVP SU MANEHO TA INSULTANDO NOS PUEBLO !!
Con por ta cu gobierno di AVP a duna permiso pa e ‘trucknan’ aki por worde treci pa Aruba ?? No bin ganja pueblo cu boso No tabata consciente di esaki !! Na Aruba projectonan grandi a worde traha pero casi NO a tende cu mester a trece ‘trucknan’ di exterior semper nos companianan local a sa di reacciona comercialmente di tal forma cu nan tabatatin majoria di e ‘heavy equipment’ necesario.
E pregunta ta un vez mas…Kiko a conduci cu gobierno di Aruba di AVP cu mester tabata sa cu nos companianan local tin e ‘equiponan’ necesario a bai di acuerdo pa trece e ‘equiponan’ di exterior aki na Aruba ? Kiko ta e argumentonan cu a worde usa pa hustifica e decision aki ?? Gobierno di AVP debe pueblo un splicacion debido riba e insulto grandi aki.
ACUERDO CITGO TAMBE TA INSULTA TRAHADO LOCAL !!
PPA no por keda sin trece e acuerdo aki dilanti na e momento aki !!
Den e acuerdo aki a worde firma cu ora ta trata trabao directo bao di CITGO esaki lo ta 80% local y 20% International. Pero ora ta trata trabao indirecto of di contratista a firma y parlamento 20 – 1 a aproba cu bao di e contratistanan esaki lo ta 80% di exterior y 20% local !! Esaki durante 15 anja y posiblemente por worde eexpande cu ‘diez anja extra. Esaki tambe ta trapa nos derecho como pueblo….trapa nos dignidad y nos honor. Mientras tanto pueblo y contratista a tuma esaki relativamente keto…pero ora e momento jega cu lo confronta esaki lo ta laat. Aruba mester lanta pa defende nos derecho como pueblo nos dignidad y nos honor.
PPA ta condena esaki un vez mas !! PPA ta di opinion cu gobierno di AVP mester duna instruccion pa e ‘trucknan’ aki retorna nan pais.
Aruba, `17 juli 2017 Lider Politico di PPA
BENNY NISBET