KOMUNIKADO DI KUERPO POLISIAL KÒRSOU Mayra Philomena Josephina Arnoldus kima den kamber di kas na kandela.

KOMUNIKADO DI KUERPO POLISIAL KÒRSOU
249 / 2017
18 yüli 2017
Kamber di kas na kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ


Djamars 18 di yüli 2017, alrededor di 05.27 or di mainta Sentral di Polis a dirigí un unidat polisial na Kaya Barbulete pa un kas na kandela.
Na yegada di e unidat polisial, nan a konstatá ku un kamber di e kas tabata na kandela. Bisiñanan a deklará ku nan a purba pa paga e kandela i tambe yuda e habitante di e kas pa sali for di e kas pero nan no a logra.
Unidatnan di bombero ku a yega na e sitio a paga e kandela. Durante pagamentu di e kandela personal di bombero a topa ku e kurpa sin bida di e habitante di e kas den e kamber. Dòkter di polis ku a yega na e sitio a konstatá morto di e dama habitante, Mayra Philomena Josephina Arnoldus nasé na Kòrsou di 59 aña di edat.
Riba òrdu di Fiskal di Ministerio Públiko a konfiská e kurpa sin bida pa mas investigashon.
Kousa di e kandela tambe ta den investigashon.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: