KOMUNIKADO DI KUERPO POLISIAL KÒRSOU Kaso di hinkamentu.

KOMUNIKADO DI KUERPO POLISIAL KÒRSOU
250 / 2017
18 yüli 2017
Kaso di hinkamentu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 17 di yüli 2017, alrededor di 23.18 or, Sentral di Polis a risibí notifikashon di un kaso di hinkamentu ku a tuma lugá na un kas na Klein Sta. Martha. For di un investigashon preliminar ku polis a realisá na e sitio a resultá ku un tio tabata den diskushon ku su subrina. Dado momentu e tio a saka un kuchú i a propiná e subrina di 22 aña di edat, hinká na diferente parti di su kurpa. Despues di e akto e hòmber sospechoso a hui bai for di e sitio lagando su vehíkulo atras. Ambulans a presentá na e sitio i a transportá e dama víktima pa poliklínika di SEHOS pa tratamentu médiko.
Polis a konfiská e vehíkulo di e sospechoso paso esaki no tabatin ningun dokumento.
Investigashon den e kaso aki ta kontinuá.