SOAW TA DRENTA BARIO

SOAW TA DRENTA BARIO
Willemstad – Ministerio di Desaroyo Sosial, Labor i Bienestar(SOAW), huntu ku minister Koeiman ta
drenta bario pa presentá su plannan na habitantenan i organisashonnan di bario. Meta di esaki ta pa
huntu bai traha na desaroyo di barionan di Kòrsou.
Pa ehekushon di su plannan, SOAW no por inisiá den tur bario pareu, pero pa kuminsá, a skohe 3
bario ku ta Montaña, Gibraltar i Tera Kòrá. Den un skema ku lo keda anunsiá despues, SOAW lo
publiká e sekuensia di e barionan ku lo sigui.
Djasabra dia 22 di yüli 2017 SOAW ta hasi su kick off, kaminda diferente funshonario di SOAW,
huntu ku otro stakeholder, lo ta presente den e siguiente barionan i na e siguiente orarionan;
Montaña 09.00 a.m. SOAW i ministerio di Hustisia ta ku e bus/mobil riba plenchi patras di
kolegio Angela Jessurun na Montaña Abou(Kaya Balerian-Dal Pega). Funshonarionan
di SOAW lo ta presente pa kuminsá bishitá hende grandinan den bario di Montaña.
Tambe 60 + i hóbennan entre 18 – 30 aña por pasa registrá riba e mobil pa programa i
proyektonan ku ta bai kuminsá próksimamente.

09.30 – 10.15 organisashonnan di bario Montaña i habitantenan por topa minister den
sentro di Bario Montaña pa un diálogo kòrtiku.

Gibraltar 11.00 – 12.00 organisashonnan di bario i habitantenan di Gibraltar por papia ku
minister den sentro di Bario Gibraltar. Mientrastantu, funshonarionan di SOAW lo
kuminsá for di 09.00 or di mainta ku nan bishita serka personanan di edat den e bario.
Aki tambe habitantenan por inskribí i haña informashon di programa i proyektonan
ku lo kuminsá próksimamente.

Tera Kòrá 01.00 – 02.00 p.m. organisashonnan di bario i habitantenan por topa minister i e tim di
SOAW den sentro di Bario Tera Kòrá. Aki tambe SOAW lo kuminsá bishitá
personanan di edat den bario for di 09.00 or di mainta. Tin oportunidat pa
habitantenan por inskribí i haña informashon di programa i proyektonan ku lo
kuminsá próksimamente.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: