Nashaira Balentien korona komo Miss Kòrsou 2017
Nashaira Balentien korona komo Miss Kòrsou 2017
Den sala di La Belle Aliance na Avila Beach Hotel djasabra atardi Coridja Stars Productions a korona srta. Nashaira Balentien komo nos próksimo Miss Kòrsou 2017. I srta. Liane Bonifacia komo su promé finalista.
Nashaira lo representá nos na e próksimo elekshon di Miss Universo i Liane lo bai Ecuador pa partisipá na Miss Continentes Unidos. Durante di e atardi ku por sierto tabata hopi bon bishita pa e invitadonan, a hiba palabra direktor di Coridja Production sra. Anatefca Isenia-Djaoen i tambe nos Minister di Ekonomia sr. Steven Martina. Sr. Martina a rekordá nos ku representando Kòrsou semper lo pone nos pais den un spòt hopi bon ekonómikamente.
Nos Miss Kòrsou saliente srta. Chanelle de Lau tambe a haña e oportunidat pa yama danki na tur ku a aportá na su aña di reinado i asina tambe pasa e korona pa nos embahadora pa 2017. Trabounan ta kuminsá mesora pa asina nos por ta bon representá.
Komo entretenimiento e públiko presente por a disfrutá di un di nos kantante nan femenino ku ta Aemy Niafeliz ku a presente dos di su éksitonan mas grandi.
Awor ta nos komo pais Kòrsou mester ban duna sosten na nos embahadornan pa asina nan por duna un tremendo presentashon i un biaha mas hiba nòmber di Kòrsou den eksterior.
















