Bishita na kompleho i lokalidatnan di ORV na Rio Canario dor di Minister di Hustisia
Bishita na kompleho i lokalidatnan di ORV na Rio Canario dor di Minister di Hustisia
Resientemente Minister di Hustisia sr. Quincy Girigorie a bishita e kompleho di ORV na Rio Canario. Bou di guia di direktor di ORV sra. Falbru i ‘Hoofdbedrijfsvoering wnd’ sra. Gonet, minister a haña un bista di e situashon di ORV na Rio Canario ku for di 2013 ta sera pa motibu di mal estado di e edifisionan.
Ku esepshon di Sala di Deporte Victor Maduro i lokalnan 3,4 i 5, situashon di e kompleho i lokalidatnan ta hopi deplorabel. Sala Di Deporte Victor Maduro i lokalnan 3,4 i 5 ta wordu usá pa deporte, training i formashon. Minister ta pendiente pa tuma akshon rápido pa remediá e situashon.










