Renaissance Curaçao Resort a premia koleganan ku a sobresalí den e di dos kuartal di 2017

Renaissance Curaçao Resort a premia koleganan ku a sobresalí den e di dos kuartal di 2017

Willemstad – yüli – Resientemente Renaissance Curaçao Resort & Casino a selebrá ku e mihónan di e di dos kuartal. Un momento speshal unda ku a anunsiá tur e empleado i supervisornan ku a sobresalí den e di dos kuartal pa 2017. Kada kuartal Renaissance Curaçao Resort & Casino ta nominá e koleganan ku a destaká den nan trabou i den servisio na huéspetnan di e hotèl i casino.

E nombramentu spesial di kada kuartal ta reflehá filosofia di e kompania; kada empleado ta un persona klave den e kompania i esaki ta sufisiente motibu pa duna kada un di nan apresio. Di akuerdo ku ehekutivo di rekurso humano di Renaissance Curaçao Resort & Casino, “Nos ta komprometé na ofresé e mihó servisio na kada huéspet, esaki ta nifiká ku nos tim mester pone atenshon riba tur detaye konforme e standart haltu di nos resort. Bai un mia èkstra pa e huéspet por sinti su mes na kas i bai su pais ku grato rekuerdo; e no ta un trabou fásil. Nos ta felisitá tur kolega ku a duna èkstra di nan parti durante di e di dos kuartal i nos ta sigui motivá trabou den ekipo na tur nos 475 empleadonan.”

Koleganan ku mas a sobresalí den e di dos kuartal di 2017 tabata Junaiska Wanga (Starbucks Mambo Boulevard) e’la resultá Employee Front of the House, Jessica Adoptie (Accounting) a bira Employee Heart of the House i Danik Thielman (Starbucks Mambo Boulevard) a resultá Supervisor Front of the House. Pa loke ta e tim di Carnaval Casino a premia Ramginio Maris (Casino F&B) komo Employee Front of the House i Miljanou Wawoe (Casino Cage) komo Supervisor Front of the House. Durante e seremonia a honra tambe tur esnan ku a kumpli nan 5 aniversario trahando. Gerensia, Staff i Personal di Renaissance Curaçao Resort & Casino ta felisitá tur kolega i ta gradisí nan pa nan esfuerso i dedikashon tur dia.

Riba fotonan athunto por haña un impreshon di e seremonia ku a tuma lugá den e ballroom di Renaissance Curaçao Resort & Casino.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: