KOMUNIKADO DI KUERPO POLISIAL KÒRSOU Detenshon di un sospechoso.

KOMUNIKADO DI KUERPO POLISIAL KÒRSOU
290 / 2017
1 ougùstùs 2017
Detenshon di un sospechoso.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 31 di yüli 2017 alrededor di 16. or, Sentral di Polis a dirigí un unidat polisial na un kas den Saturnusstraat. Despues di a risibí yamada ku na e momento ei tin un hòmber na e adrès menshoná ta hòrtando. Na yegada di e unidat na e sitio nan a topa ku un hòmber ku un baki di sushi (kliko) ku diferente artíkulo di koper i aluminio den dje.
En konekshon ku esaki polis a detené e hòmber K.F.R. di 50 aña di edat, nasé na Kòrsou, sospechá di ladronisia.
A presentá e sospechoso dilanti di un Fiskal Ouksiliar ku a ordená su enkarselamentu pa mas investigashon.