Profound Projects a bira e Google Partner ofisial di Kòrsou!

Posted by

Profound Projects, un agensia dinámiko di proyektonan digital inovativo na Kòrsou, a bira partner ofisial di Google. Esaki lo establesé un base di sosten pa e klientenan aktual i klientenan potensial di Google riba e isla. Co-managing director Boudino de Jong a bisa e siguiente tokante e logro: “Nos a traha duru sinku aña largu pa logra bira partner di Google. Nos ta kere firmemente den e solushonnan ku Google ta ofresé negoshinan i nos ke stimulá empresanan lokal pa probechá di e teknologianan aki pa asina alsa e kalidat di nan rendimentu mas ainda.

Pero kiko e funshon di Google partner ta enserá presis? E ta nifiká ku Profound Projects tin e lisensia pa distribuí produktonan di Google na kompanianan lokal. Tambe e ta lisensiá pa distribuí e mesun servisionan na kompanianan situá riba e otro islanan den region.

Bou di e produktonan aki ta kai e servisionan ku ta yuda empresanan mantené konektividat bou di su empleadonan, kual ta Gmail, Google Calendar i Google Hangout (pa komunikashon via video). Banda di esaki tin e servisionan ku ta fasilitá akseso i wardamentu di datonan manera Google Drive i Google Cloud. Tur e servisionan ta wòrdu ofresé bou di e nòmber G Suite, ántes yamá Google Apps for Business.

Ademas tin e servisionan ku ta brinda un plataforma riba kual por krea proyektonan en konhunto ku otro. Esakinan ta Google Docs, Google Sheets, Google Forms, Google Slides, Google Sites i Google Jamboard. Por último e pakete di servisionan di Google ta inkluí esnan ku ta permití un maneho sentral di data i usuarionan (empleadonan).

Co-managing director Gino Jacobs ta pone énfasis riba e siguiente punto: “Hopi kompania ta kere ku e úniko motibu pa kua mester duna atenshon na servernan lokal ta pa mantené seguridat pero esei no ta bèrdat. E lokual ku nan mester enfoká ta e parti di ‘the cloud’, pasobra esei ta e teknologia di mañan. Instansianan grandi manera Google ta invertí masha hopi rekurso den e suministro di sistemanan di seguridat moderno, pasobra al final ta nan nòmber ta na peliger. A yega tempu pa kompanianan adoptá e kambio pa Cloud, i nos ta bai hasi nos máksimo pa asistí den e transishon aki.”

Profound Projects ta spesialisá tambe den implementá Google Analytics pa wèpsaitnan di kompanianan. Tambe e ta spesialisá den e maneho di kampañanan di Google Adwords. Google Analytics ta duna e kompanianan un bista riba e tendensianan di nan klientenan. En kambio un maneho adekuá di Google Adwords ta pone nan wèpsait sali riba e promé página den Google Search Results, kual ta sumamente balioso pa kompanianan.

E último akontesimentu aki ta hiba Profound Projects na un nivel hopi mas aleu den kuadro di inovashon teknológiko na Kòrsou. E ta pon’é riba kaminda pa tuma mas pasonan impaktante pa realisá logronan mas grandi ainda riba tereno di inovashon empresarial na Kòrsou.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.