Fakansiplan FDDK ta ranka sali awe
Fakansiplan FDDK ta ranka sali awe
Pa hopi hóben i mayornan ku no tin e finansa pa bai un fakansi den eksterior òf simplemente ke disfrutá di fakansi na un manera mas deportivo, e fakansiplan di FDDK ta un bon opshon i awe ta e gran dia ku e fakansiplan aki ta ranka sali!
Si, portanan di SDK ta habri for di 9or di mainta pa risibí tur nos muchanan di 6 pa 14 aña. Pa 9.15, e apertura ofisial lo tuma lugá dor di nos minister di deporte, señora Marilyn Alcala-Walle.
Entrada ta gratis, pero lo tin kòntròl na porta. Na nos muchannan mas grandi i mayornan, kòrda tene kuenta ku e bestuario, kua lo mester ta deportivo i desente. Si bo no ta bistí adekuadamente, lo no laga bo drenta.
FDDK ta warda bo bin disfrutá di bo fakansi awe djamars, mayan i djaweps i tambe otro siman riba mesun dianan (11, 12, 13, 18, 19 & 20 yüli) di 9or di mainta pa 1or di merdia den SDK!!