‘POBRESA NA ARUBA NO A HANJA ATENCION NI DI GOBIERNO EMAN(AVP) MENOS DI PARLAMENTO DEN SU TOTALIDAD !’

BENNY NISBET(PPA):
‘POBRESA NA ARUBA NO A HANJA ATENCION NI DI GOBIERNO EMAN(AVP) MENOS DI PARLAMENTO DEN SU TOTALIDAD !’
Hopi ta esnan den nos comunidad cu ta cai pa palabra di gobernante manera ‘nos tin un sociedad di cinco(5) streya’. Pero e realidad ta cu e sociedad di cinco streya aki tin hopi problema social serio incluso un pobresa enorme y lamentablemente nan no ta ricibi e atencion cu nan merece. Esaki ta contradeci e ponencia di un sociedad di 5 streya.
Cuanto vez gobierno y parlamento a reuni pa discuti e pobresa riba nos Isla durante e ultimo 4 anja ? Cuanto vez a bin cu cierto adaptacion pa mehora e nivel di bida di esnan cu menos entrada den nos sociedad ? Con bin e pensioen di nos grandinan a keda atras cu f 248,00 mientras cu casi no tabatatin discussion riba esaki den parlamento. Con bin esnan cu ta biba parti di nos isla pero cu ta traha pabow mester gasta rond di f. 300,– na ‘Transporte publico’ cual ta 20 % di nan ‘take-homepay’ y ningun fraccion den parlamento cu ta AVP, MEP y Dem Real y independientenan no a dedica atencion na e problematica aki?
Con bin tin un rapport di 2005 di I.L.O. (International Labour Organization) cu ta indica cu ‘Aruba tin un sistema cu ta crea pobresa y ta mantene pobresa’ un mensahe hopi pisa y ningun hende no a dedica atencion pa analisa e mensahe aki y eventualmente mehora e problematica aki ?
Awo cu ta eleccion algun ta grita mientras cu nan ta move rond ta pide pueblo pa pone nan bandera y sticker como sifuera cu nan ta preucupa pa e senjal hopi cla di un pobresa enorme dentro di un Isla cu un entrada nacional y un GDP per capita relativamente halto cual ta nifica cu no ta un reparticion balansa di nos crecemento economico no tin husticia social na Aruba !!
No kabe duda cu esaki tambe ta consecuencia di e posicion cu majoria di pueblo ta tuma durante eleccion votando pa partido politico ciegamente den ‘bon of den malo’ cu consecuencia cu situacion no ta cambia pa nan. Bo ta tende e grito ……’ex partido tur tempo’…’ex partido tur dia’…etc etc. Pero realidad di bida ta cu e x partido a goberna tanto vez y e famia pober a keda pober…al contrario e situacion pobresa e bira peor.
PPA tabata pafor di parlamento pa varios periodo sinembargo nos a laga nos voz rezona for di oposicion pafo di parlamento. Nos a observa con Aruba a worde goberna pa un gobierno tras di otro …un mas malo cu otro….un cu tabata sirbi mas interes ajeno cu otro…mientras problema social y pobresa delanta a keda crece den nos comunidad.
PPA ta un partido ‘social democrata’ unda e ser humano ta central!
1. PPA lo hiba un maneho pa lucha directamente contra pobresa riba nos Isla.
2. PPA ta desea pa tene e discussion nacional cu I.L.O a propone unda lo mester discuti e effecto di un sistema C.P.I. versus un sistema N.AW.I.(CPI no ta duna e trahado locual e tin derecho riba djele y no ta larga e trahado participa den e crecemento economico di nos pais NAWI segun ILO si ta garantisa esaki !)
3. PPA lo ta dispuesto pa aumento salario minimo, pensioen pa nos grandinan, Onderstand y bijstand !!
4. PPA lo inverti 6.5 % den nos ensenansa. (Ensenansa ta prioridad number uno pa PPA)
5. PPA lo baha e edad di pensioen bek pa 62 anja e edad cu cual PPA a inicia cu e ley di A.O.V.
6. PPA lo introduci e un asina jama ‘transport bonus’ of aumenta e subsidio na ARUBUS….esaki pa contribui ‘extra’ na esnan cu ta biba leeuw for di nan trabao y ta gasta p.e. (salario minimo) f. 300,– riba transporte…locual ta 20% di salario minimo esaki no ta corecto pa e keda asina y perjudica e trahado biba na San Nicolas pero cu ta traha den e sector hotelero) !
7. PPA lo dedica parti di e actual ‘Bushiri Beach Hotel’ pa un fundacion por ofrece nos grandinan un sitio unda nan por pasa un vacacion anualmente…! Gobierno di AVP ta na punto di basha esaki abao pa stroba e.o. PPA pa mustra cu tin alternativa serio pa e sitio aki.
a. Un sitio di vacacion pa nos grandinan !!
b. PPA lo crea varios sitio di e combinacion ‘creche/opvang’ pero unda tin ‘huiswerkbegeleiding ’ tambe pa alumno despues di scol si nan majornan ta trahando.
8. PPA lo bin cu un maneho pa bin cu parke y sitio pa hoben y grandi por pasa nan tempo na forma positivo…recreacion/weganan …sitio pa combersa etc den mas hopi districto posibel riba nos isla.
9. PPA lo baha e edad pa cobra pensioen for di 65 anja pa 62 anja !!
10. PPA lo bin cu un maneho unda nos grandinan( riba 62 anja !) ta bin na remarca pa un subsidio di p.e tanto porciento riba nan cuenta di awa, corriente y telefon esaki mara naturalmente na cierto regla !!
11. Lo mester jega na un miho palabracion …..ora un grandi drenta un cas di anciano cual porcentahe por worde kita como su contribuiccion na e cas di anciano y cual porcentahe lo mester keda pa e persona por gasta na otro debernan pa un bida di calidad !!
Esaki ta djies un par di e puntonan di accion di PPA cu lo ta den nos programa Aruba….pa e Proximo Nivel….keda pendiente!!
Aruba, 10 di juli 2017 Lider Politico di PPA
BENNY NISBET