Minister Shalten Hato {𝗦𝗘𝗚𝗨𝗥𝗜𝗗𝗔𝗧 𝗡𝗔 𝗦𝗞𝗢𝗟𝗡𝗔𝗡}

Komo Vise Premier, Minister di Hustisia i Minister di Gobernashon, Planifikashon i Servisio Públiko, ayera huntu ku mi koleganan Charetti America komo Minister di Desaroyo Sosial, Labor i Bienestar i Minister interino di Enseñansa, i Sithree “Cey” van Heydoorn ku ta den eksterior pa motibu ya menshoná, nos a sinta na mesa ku representantenan di sindikatonan DOEN, STRAF, STSK i ABVO pa trata e tópiko importante di seguridat na nos skolnan, a konsekuensia di e insidente ku a tuma lugá djabièrnè último.

Seguridat di tur alumno, maestronan i tur personal ku ta traha den enseñansa mester keda un prioridat. Ta importante pa, huntu ku tur partner envolbí, nos siguí dialogá, tuma e akshonnan nesesario i wak kua medidanan ta nesesario pa fortalesé seguridat den i rondó di nos skolnan.

Diálogo i koperashon ta esensial pa yega na solushonnan ku ta kontribuí na un ambiente sigur na nos skolnan i responsabel pa tur hende.

𝐆𝐚𝐛𝐢𝐧𝐞𝐭𝐞 𝐏𝐢𝐬𝐚𝐬 𝐈𝐈𝐈 𝐭𝐚 𝐬𝐢𝐠𝐮í 𝐭𝐫𝐚𝐡𝐚!