KUERPO POLISIAL KÒRSOU

KOMUNIKADO DI PRENSA

322/2026 25 sèptèmber 2026 

Dos detenshon relashoná ku bringamentu  

Djaweps 24 di sèptèmber 2026 alrededor di 15.40’or, Sentral di polis a dirigí  un unidat polisial pa un kas na Kaya Jose ‘Jo’ Mathilda pa un kaso di 

bringamentu. 

For di investigashon ku polis a hasi na e sitio a sali na kla ku tabatin un  diskushon entre bisiñanan pa motibu di tiramentu di sushi den kurá di otro. Despues a start un bringamentu entre dos hòmber, i un di nan a kap e otro ku  un machete na altura di su kabes. 

Na e sitio polis a detené e hòmbernan E.G.B. di 56 aña di edat nasé na  Bonaire i S.E.C.C. di 69 aña di edat nasé na Kòrsou, relashoná ku e kaso ariba  menshoná. 

A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.