Análisis krímennan di impakto haltu.

KOMUNIKADO DI PRENSA 058 /2022
31 yanüari 2022
Análisis krímennan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku e análisis di krímennan di impakto haltu den e periodo di 24 pa 30 di
yanüari, Kuerpo Polisial por informá lo siguiente.
Pa loke ta kiebro den kas, polis a registrá 5, di kua mayoria a tuma lugá riba djarason
durante di e orario di 11.00’or pa 14.15’or.
E kiebronan aki a tuma lugá den e barionan Weis Afo, St. Willibrordus, Seru Fortuna,
Julianadorp i Damacor i malechornan a drenta dor di forsa of kibra bentana.
A registrá den e periodo ariba menshoná 7 kiebro den negoshi i mayoria a tuma lugá entre
03.00’or i 05.00’or, tur dia di siman ku eksepshon di djamars.
E áreanan ku a keda bishitá ta Zeelandia, Weto, Weis Afo, Gosie, Souax Oost i Damacor.
Den mayoría kaso malechornan a penetrá dor di sea forsa porta of kibra trali.
Durante un di e kiebronan den negoshi aki, a detené un sospechoso.
Polis mester a atendé ku 8 kaso di violensia relashonal. Nan tabata repartí over di 4 dia di
siman. E kasonan aki a tuma lugá na Seru Fortuna, Pannekoek, Muizenberg i Buena Vista.
Durante di e periodo aki, no a registrá ningun kaso di atrako.