𝗣𝗿𝗼𝗺é 𝗠𝗶𝗻𝗶𝘀𝘁𝗲𝗿 𝗣𝗶𝘀𝗮𝘀 𝘁𝗮 𝘁𝘂𝗺𝗮 𝗸𝗼𝗻𝗼𝘀𝗲𝗺𝗲𝗻𝘁𝘂 𝗱𝗶 𝗲 𝘁𝗿𝗮𝗯𝗼𝘂 𝗱𝗶 𝗻𝗼𝘀 𝘀𝗲𝗿𝘃𝗶𝘀𝗶𝗼𝗻𝗮𝗻 𝗱𝗶 𝗲𝗺𝗲𝗿𝗴𝗲𝗻𝘀𝗶𝗮

Durante ‘Ami ta Prepará Expo’ na Plasa Brion, Promé Minister Gilmar Pisas a bishitá e diferente stèntnan di servisio di emergensia, organisashon di reskate i instansianan ku ta ehersé un papel importante den preparashon i maneho di krísis na Kòrsou.

Durante su bishitanan, Promé Minister a tuma konosementu di e trabou ku e diferente instansianan ta realisá, e materialnan ku nan ta usa i e manera ku nan ta kontribuí na seguridat di nos komunidat.

Preparashon ta un responsabilidat kompartí. Mas mihó prepará kada kas di famia ta, mas espasio nos servisionan di emergensia tin pa asistí esnan mas vulnerabel den nos komunidat.

Huntu nos ta traha na un Kòrsou mas prepará i sigur.