---

 

KUERPO POLISIAL KÒRSOU  

KOMUNIKADO DI PRENSA

405/2026

11 novèmber 2026 

Kaso di tiramentu ku morto 

Djamars 10 di novèmber 2026 alrededor di 21.25’or, Sentral di Polis a dirigí  un unidat polisial di Barber pa un adrès na Groot Sta. Martha pa un kaso di  tiramentu den kua tabatin un persona gravemente herida. 

Na yegada di e unidat el a konstatá un hòmber drumí abou tras di un  vehíkulo na entrada di garashi di e kas. 

Personal di ambulans ku a yega djis despues no por a hasi nada mas pa e  víktima. 

Dòkter di polis ku a presentá, a konstatá morto di e hòmber Vladimir  Djaoen nasé dia 14 di mei 1991 na Kòrsou. 

Informashon ku polis tin te na e momentunan aki ta indiká ku e hòmber a  kaba di yega kas i a keda sorprendí pa un òf mas persona ku a lòs tirunan  dirigí riba dje, ku e konsekuensia fatal. 

Despues e sospechosonan a hui den direkshon deskonosí. No ta konosí ku despues nan a drenta un vehíkulo òf a kontinuá nan huida na pia. 

Riba òrdu di fiskal di Ministerio Públiko a konfiská e kurpa pa mas  investigashon. 

Kuerpo Polisial ta hasi un apelashon riba tur persona ku por tin  informashon tokante di e kaso aki òf ku a tuma nota di kualke situashon  sospechoso den oranan di anochi di djamars den área di Groot Sta.  Martha, pa mèldu esaki na polis.

SIRBI I PROTEHÁ