---

 

 

 

 

KUERPO POLISIAL KÒRSOU 

KOMUNIKADO DI PRENSA

406/2026

11 novèmber 2026 

Kaso di tiramentu 

Djarason 11 di novèmber 2026 alrededor di 01.23’or, Sentral di Polis a  dirigí un unidat di warda di polis Montaña pa un adrès na Choloma pa un  kaso di tiramentu. 

Habitante di e kas a deklará na polis ku el a tende varios tiru i despues ku  el a bai pafó, el a tuma nota ku e winshil patras di su vehíkulo tabata  kompletamente destruí. 

Na e parti dilanti di su kas tambe tabatin diferente perforashon di bala.

Durante di investigashon e unidat a bin enkontrá shete (7) kashi di bala ku  a keda konfiská. 

Personal di reshèrshi ta enkargá ku e investigashon.