𝗣𝗿𝗼𝗺é 𝗠𝗶𝗻𝗶𝘀𝘁𝗲𝗿 𝗣𝗶𝘀𝗮𝘀: 𝗨𝗻 𝗞ò𝗿𝘀𝗼𝘂 𝗯𝗼𝗻 𝗽𝗿𝗲𝗽𝗮𝗿á 𝘁𝗮 𝘂𝗻 𝗞ò𝗿𝘀𝗼𝘂 𝗺𝗮𝘀 𝘀𝗶𝗴𝘂𝗿!

Djasabra 17 di òktober 2026, Promé Minister Gilmar Pisas a partisipá na ‘Ami ta Prepará Expo’ na Plasa Brion, kaminda grandi i chikí a haña e oportunidat pa siña kon nan por prepará nan mes i nan famia mihó pa situashonnan di krísis òf kalamidat.

E Expo a ser organisá pa ‘Directie Risicobeheersing & Rampenbeleid’ (DRR), ku ta kai bou di Ministerio di Asuntunan General, bou di responsabilidat di Promé Minister Pisas.

Durante su diskurso, Promé Minister a dirigí su mes na e presentenan. Prepará komunidat di Kòrsou pa posibel situashonnan di krísis òf kalamidat ta un responsabilidat importante di e ministerio aki huntu ku komunidat.

Un di e aktividatnan spesial di e aña aki tabata e promé edishon di ‘Ami ta Prepará Scavenger Hunt’, kaminda diferente tim a partisipá na reto relashoná ku riesgo i preparashon pa emergensia.