𝗣𝗿𝗼𝗺é 𝗠𝗶𝗻𝗶𝘀𝘁𝗲𝗿 𝗣𝗶𝘀𝗮𝘀 𝘁𝗮 𝗳𝗲𝗹𝗶𝘀𝗶𝘁á 𝘀𝗿. 𝗦𝗶𝗴𝗺𝗮𝗿 𝗖𝗮𝗿𝗺𝗲𝗹𝗶𝗮 𝗸𝘂 𝘀𝘂 𝗻𝗼𝗺𝗯𝗿𝗮𝗺𝗲𝗻𝘁𝘂

Willemstad, djabièrnè 16 di òktober 2026, Promé Minister Gilmar Pisas a asistí na e resepshon organisá na okashon di instalashon ofisial di sr. Sigmar Carmelia komo e di 26 presidente di Korte Komun di Hustisia di Aruba, Kòrsou, Sint Maarten i di Boneiru, Sint Eustatius i Saba.

Sr. Carmelia, nasé i kriá na Kòrsou, tin un trayektoria amplio den mundo hudisial i desde 2014 e ta forma parti di Korte Komun di Hustisia.

Promé Minister Pisas ta felisitá sr. Carmelia ku su nombramentu i ta dese’é hopi éksito ku su responsabilidat nobo. E ta enfatisá importansia di un poder hudisial independiente, aksesibel i konfiabel komo un di e pilarnan fundamental di nos estado di derecho.