Awe Korte di Hustisia a hasi inisio ku tratamentu di e kaso penal di asesinato di Jurven Maria (27 aña) di dia 3 di november 2017 den Kaya N. den Mahuma.
Info OM:
Awe Korte di Hustisia a hasi inisio ku tratamentu di e kaso penal di asesinato di Jurven Maria (27 aña) di dia 3 di november 2017 den Kaya N. den Mahuma. E sospechoso ta N.M.D. (30 aña).
Fiskal di Ministerio Publiko (OM) ta akusá D. di asesinato i poseshon di un “Glock”, un arma di kandela ilegal ku 15 bala.
E kaso no a sigi pa motibu ku defensa ke skucha mas testigu, na tur 6 persona. Wes-komisario (RC) ta haña enkargo pa hasi esaki. Tambe Wes a ordená awe pa tene un rekonstrukshon di loke a pasa eksaktamente prome, durante i despues di e tiramentu den Kaya N.
E kaso a keda wantá, riba ordu di Wes, te dia 20 di yüli, ora e kaso lo keda tratá proforma prome ku tratamentu ku kontenido mas despues.
