Djaluna 23 di aprel   MARSHE DI GRATITUT na SENTRO DI BARIO SOUAX

Djaluna 23 di aprel
  MARSHE DI GRATITUT na SENTRO DI BARIO SOUAX

                                         

Den kuadro di selebrashon di su 20 aña di eksistensia Fundashon Pro Souax, komo muestra di gratitut na habitantenan di Souax en partikular i públiko en general ku durante 20 aña a sostené su trabou pa bario, ta organisá un grandioso “MARSHE DI GRATITUT” pa habitantenan di Souax, Gato, Zegu, Ser’i Kandela i besindario.
“Marshe di Gratitut” ta un aktividat kaminda personanan interesá por pasa i skohe grátis artíkulonan di uzo personal i / òf di kas ku nan tin nesesidat di dje.
E artíkulonan ku por skohe ta sea artíkulo nobo òf den bon kondishon. E úniko kondishon ku tin ta ku na momentu ku pasa skohe e artíkulonan lo mester bai ku esakinan mesora. Mitar di 9 porta ta habri i e organisadónan ta rekomendá tur hende pa nan tei trempan pa asina nan tin e mihó posibilidat pa skohe.e artíkulonan ku nan ta deseá. Marshe di gratitut ta djaluna awor 23 di aprel di 9or di mainta pa 1or di merdia na Sentro di bario Souax. Entrada ta grátis i un i tur ta bon biní.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: