Entrega di e “buki di konferensia 21 di mart 2018” dor di Minister di Enseñansa, Siensia, Kultura i Deporte na Presidente di Parlamento.

Dia 23 di aprel ta e fecha kual ta keda rekonosé pa Unesco komo e dia mundial di buki i derechi di outor. Riba e fecha aki outornan grandi manera Cervantes, Shakespeare i Inca Garcilaso de la Vega a fayesé. Minister di Enseñansa, Siensia, Kultura i Deporte, sra. drs. Marilyn M. Alcalá-Wallé, a hasi uso di e okashon aki i a entregá Presidente di Parlamento di Kòrsou, sr. ing. William W. Millerson, e “buki di konferensia 21 di mart 2018” riba igualdat di género den skolnan. E buki aki ta trata riba kreamentu di oportunidat igual pa ámbos sekso den e sistema di enseñansa i edukashon.