Den kuadro di 80 aña di Coca-Cola na Kòrsou i huntu ku CIFFR ANOCHI KULTURAL NA BARBER: UN EKSITÓ ROTUNDO

Den kuadro di 80 aña di Coca-Cola na Kòrsou i huntu ku CIFFR

ANOCHI KULTURAL NA BARBER: UN EKSITÓ ROTUNDO

 

Djabièrnè 20 di aprel último Curaçao Beverage Bottling Company, Coca-Cola (CBBC) den estrecho koperashon ku Curacao Internatonal Film Festival Rotterdam(CIFFR) a organisá un anochi edukativo i festivo na parke Himno i Bandera na Barber, spesialmente pa e komunidat di Banda ‘Bou.

Esaki den kuadro di selabrashon 80 aniversario di CBBC Kòrsou.
Tabata un anochi sumamente eksitoso kaminda públiko por a disfrutá di e “short film” titulá “Juni” kreá pa hobennan di Joseph Civilis i produsí pa IBB. Tambe a presentá  e pelikula ‘Respeto’ ku ta ilustrá bida di un hoben yama Hendrix den e mundu di “underground rap”.

E anochi tabata yená ku un programashon edukativo di entre otro un ‘flashmob’ ku binti bailarinanan, kues i kompetensia di rap. Pa duna e anochi e toke festivo públiko por a disfrutá di presentashon di Chaika i pa klousurá un “afterparty” di Dj Ramil.
Seguin Myrthe George, Sales i Marketing Manager na CBBC: “Nos di CBBC ta sumamente kontentu di por selebrá nos di 80 aniverasario i pa e opurtunidat di por a traha konhuntamente ku CIFFR pa regalá komunidat di Banda ‘Bou e bunita opsekio aki. Keda pendiente paso di pa’riba pa pa’bou nos selebrashon ta sigui rònt Korsou!”

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: