80 aña demokrasia na Kòrsou 25 di Aprel 2018

Posted by

80 aña demokrasia na Kòrsou 25 di Aprel 2018

 

Su Ekselensia Gobernadó sra. Lucille George- Wout,

Honorable Presidente di Parlamento, sr. William Millerson,

Honorable Minister Presidente, sr. Eugene Rhuggenaath i distinguido miembronan di su Gabinete,

Distinguido miembronan di Parlamento

Distinguido invitadonan

Damas i kabayero

 

Nos a bini huntu pa selebrá ku 5 di Aprel 1938 demokrasia na Kòrsou a bira un echo, awe nos ta selebrá 80 aña di demokrasia.

Nos ta selebrá tambe awe, 70 aña ku hende muhé tambe a haña derechi di voto despues ku na1948 a introdusí derechi di voto general.

 

Dikon Demokrasia

Demokrasia ta halsa dignidat di siudadanonan pasobra e ta basá riba poder igual.

Poder igual di e pober  i e riku.

Poder igual di esun ku ménos edukashon i esun ku mas edukashon.

Poder igual di e hóben i e adulto.

Pero tambe poder igual di e hende muhé i e hende hòmber.

 

Dikon demokrasia ta mihó ku otro formanan di gobernashon?

Segun e polítiko sientífiko Larry Diamond demokrasia ta konsistí di 4 elemento klave:

  1. Partisipashon aktivo dor di siudadanonan den polítika i bida síviko.
  2. Protekshon di derechinan humano pa tur siudadano.
  3. kaminda regla òf lei ta konta pa tur hende igual.
  4. Un sistema polítiko ku ta skohe i remplasá su representantenan pa medio di elekshonnan liber i honesto.

 

Mi ke para ketu na esun delaster aki :

nos a remplasá elekshonnan liber i honesto pa elekshonnan liber i sekreto.

Dikon nos a skohe sekreto en bes di honesto?

Niun hende no tin mag di sa kiko nos a vota?

Kisas pa miedu di represaya?

Òf kisas miedu ku bo ta keda sin haña un trabou na momentu ku bo koló polítiko ta konosí?

Ta bon pa nos pensa riba esaki.

 

 

 

 

Un otro nòmber pa demokrasia ta e regla di mayoria, aunke ku no ta tur ora e mayoria tin rason.

  • No ta tur ora e mayoria sa kiko e resultado di su desishon lo ta.
  • Pero un bentaha di Demokrasia ta ku e ta permití nos di korigí fayonan di e sistema.

 

Unda nos a kuminsá?

Demokrasia a kuminsá na Fransia basá riba e prinsipionan di “liberté, egalité et fraternité”. Libertat, igualdat i fraternidat.

Un di e fayonan korigí den nos demokrasia na 1948 ta poder di voto general establesiendo  e igualdat di poder di voto di e hende muhé i e hende hòmber.

 

Den nos komunidat e hende muhénan tabata e último grupo pa a haña derechi di voto.

Hende muhénan di mes edat ku mi mama e tempu ei por a vota pa promé biaha ora nan tabata tin 22 aña. Tin hende muhé na momentu ku nan tabata tin 48 aña, si nan a nase na aña 1900.

Ku ami huntu ku 5 koleganan femenino ta den parlamento awe ta pasobra e damanan di djárason ku kurashi i balentía a lucha i logra mehorá nos demokrasia na momentu ku e hende muhé a haña derechi di vota i tambe por a ser eligí.

 

Nos no ta kla!

 ainda tin hopi kos di drecha

Loke  nos tin awe nos ta selebrá i nos lo sigui traha ku konvikshon, pashon i sabiduria pa fortifiká nos demokrasia. Meskos ku e damanan di djárason, ta nos mes den union mester drecha nos demokrasia.

 

Pueblo di Kòrsou di partí di e frakshon di MP pabien ku 80 aña demokrasia i

pabien ku 70 aña partisipashon di hende muhé den nos demokrasia.

 

Señor bendishoná nos Nashon!

Movementu Progresivo

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.