Komunikado X-Team:
(VIDEO I POTRET)

Akshon X-Team awe pa infrakshon ambiental

Awe, djabierne 4 di mei 2018, X-Team a subi kaya pa tene kòntròl na garashinan klandestino riba nos isla.
Durante kòntròl a reparti 4 proses-verbal pa no-kumplimentu ku lei. Entre otro na un garashi klandestino riba

Rooseveltweg pa ponementu di karkas di outo riba karetera públiko. E doño a haña 2 x 24 ora pa kita tur kos riba kaya.

Riba Antillenweg a topa un dump di sushi. E sospechoso a haña 2 siman pa limpia e tereno. E tambe a haña un prosesverbal.

Den Marconistraat a topa 5 karkas di outo riba kaya públiko. Nan ta pertenese na varios bisiña. Denter di 2 x 24 ora mester kita nan for di riba karetera públiko.

Den bisendario di Faradayweg a topa un garashi klandestino ku karkas di outo riba karetera públiko. E gerente a haña 2 x 24 ora pa deshasi di esakinan.
E kòntròlnan aki di X-Team ta kontinuá.

X-Team ta konsisti entre otro: Ministerio di GMN, Milieu en Natuur Beheer, BAB, Domeinbeheer, Ministerio di Trafiko, Transporte i Planifikashon Urbano (ROP), Domeinbeheer, Selikor i HIT-team di KPC.

Por meldu na 0800-0877 (orario di ofisina) of via mail: xteamcuracao@gmail.com