18 di Mei, Dia Internashonal di Museo

18 di Mei, Dia Internashonal di Museo

 

Kralendijk – Dia 18 di mei ta Dia Internashonal di Museo i ku e aña aki Konseho Internashonal di Museo (ICOM) a skohe komo tema ‘Hyperconnected Museums, New Approaches, New Publics’. Por tradusí/ adaptá esaki na nos lenga papiamentu;   ‘Museo Super Bon Konektá Ku Teknologia Moderno’  ‘Enfoke Nobo, Públiko Nobo’.

Mester bisa ku tema en kuestion ta kuadra netamente ku e vishon di SKAL i Museo Boneiru i ku ya ta kanando su proseso.

Manera ta kustumber, tur aña SKAL / Museo Boneiru ta dediká atenshon na e dia aki.

Durante e siman di 14 pa 18 di mei SKAL i Museo Boneiru den estrecho koperashon ku Fundashon Kuido Profeshonal pa Mucha, ta organisá eskurshon i workshop kombiná ku un quiz spesialmente pa muchanan di grupo 7 i 8 di enseñansa básiko, den e kaso aki pa esnan ku ta bishitá akohida despues skol.

Riba Dia Internashonal di Museo o sea djabièrnè di mei 18 binidero Museo Boneiru ta habrí pa públiko en general di 9or di mainta te ku 7or anochi. Pa duna e dia un toke festivo, for di 5or te 7or lo tin un bríndis kombiná ku algu di músika.

 

Atentamente,

Hefe di SKAL,

Timoteo B. Silberie

This site uses Akismet to reduce spam. Learn how your comment data is processed.

error: Content is protected !!
%d bloggers like this: