Insidentenan durante Fuikdag
Djadumingu, 6 di yanüari 2019, ta e promé djadumingu di aña i tin e akustumbrá Fuikdag. A drenta notifikashon ku tin un boto ku a bòltu. Afortunadamente no tin persona ku a resultá heridá for di e insidente aki.
Otro insidente ta di un boto ku a drenta e bahia di Fuik forsá mientras ku e tabata huma bastante pa motibu ku e tabata muchu kargá ku pasahero di mas a bordo. Personal di Wardakosta a ordená tur pasahero pa baha for di e boto.
