Tin atenshon pa establesimentunan ku no ta kumpli ku orario di seramentu.

 

KOMUNIKADO DI PRENSA 381 / 2020
27 sèptèmber 2020
Tin atenshon pa establesimentunan ku no ta kumpli ku orario di seramentu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Polis huntu ku M.E.O. durante di nan kontrol rutinario riba establesimentunan, a bin ta
tuma nota di un práktika ilegal ku algun doño di establesimentu ta ehersé.
Na momentu ku konforme leinan vigente mester stòp operashonnan den oranan di anochi,
e propietarionan aki ta sera porta di e negoshi, miéntras ta mantené klientenan den e
establesimentu.
Den oranan lat di djasabra anochi e tim enkargá ku kontrol a bai na un negoshi riba Sta.
Rosaweg, na unda tabatin basta kliente despues di e orario ku ya mester a sera, den e
edifisio.
Na e bentananan di e negoshi aki e propietario a pone saku di plèstik pretu, pa asina trata
na despistá outoridat.
A saka tur kliente pafó, atendé ku e doño i a sera e negoshi pa algun dia.
E tim di kontrol lo sigui tin atenshon i lo tuma paso kontra di doñonan di establesimentu ku
no ta tene nan mes na reglanan establesí.
Ademas tene na kuenta, ku e aktonan aki, komo doño di establesimentu, bo ta kore rísiko di
pèrdè bo pèrmit di operashon sea temporalmente òf permanentemente.

This site uses Akismet to reduce spam. Learn how your comment data is processed.

error: Content is protected !!
%d bloggers like this: