Minister Glenbert Croes celebrando Himno y Bandera cu nos muchanan

Minister Glenbert Croes celebrando Himno y Bandera cu nos muchanan

 

Ta for di chikito ta siña nos muchanan custumbernan cu lo compañanan pa semper den transcurso di nan bida.

Igual ta conta pa e amor patrio como tambe e respet pa nos simbolonan nacional cu ta nos Himno y Bandera. Siña bo yiunan canta nos Himno como tambe mustra respet pa nos Bandera ta parti di su formacion como Arubiano.

Cu esaki den mente, diabierna mainta e titular di Asunto Social y Labor a bishita y comparti cu 50 mucha, cu riba nan peticion, a pidi presencia di e yiu di Betico cu ta Minister.

E mandatario a papia di Aruba su Himno, a conta di nos Bandera. Ademas di un banderin, e mandatario a entrega e folder produci pa Gobierno di Aruba, cu ta contene e informacion y historia corecto di 18 di Maart, cu pa mañan ta un producto balioso na informacion pa proyectonan di scol.

Manera Libertador di Aruba a expresa, “Cantando nos himno nos ta expresando e amor pa nos pais. Hisando nos bandera nos ta inculca patriotismo bou nos Pueblo.” Esaki ta locual Minister Glenbert Croes a spera di por a logra cu su bishita esta di planta e simiya di orguyo y amor patrio, den curazon di tur nos muchanan presente cu e gratitud enorme pa e invitacion ricibi for di Carousel Speelschool.

Aruba

15 di maart 2019

DSC00547DSC00553WhatsApp Image 2019-03-15 at 09.16.41

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: