PAR ta organisá Kurso di Selfdefence den bario

PAR ta organisá Kurso di Selfdefence den bario

 

Den kuadro di empoderá e hende Muhé i tambe krea mas konsiensia pa ku abusu kontra Hende Muhé Partido Alternativa Real ta bai inisiá 4 seshon di lès di defensa propio pa hende Muhé den 4 diferente bario.

PAR ta mira e importansia pa tur hende muhé den nos komunidat tin hèrmènt básiko pa protehé nan mes den kaso di abuso físiko. Den último añanan lamentablemente abuso físiko espesialmente kontra hende muhé a oumentá i esaki ta un desaroyo preokupante. Por mira e desaroyo aki den ámbito relashonal, laboral i sosial. E trouma ku e víktima ta keda kuné por afekt’é pa bida largu.

E kurso ta kompletamente grátis. Esaki lo kuminsá ku e promé seshon djaluna awor 25 di mart 2019 di 7 pa 8.30 di anochi, na sentro di Bario Santa Maria. E kurso lo wòrdu duna pa un eksperto den Karate i ku a spesialisá den training di self defense sra. Yvonne Leito.

Pa registrashon i/òf informashon por tuma kontakto ku señora Ana Maria Pauletta na telefòn 518-8181

 

Ana Maria Pauletta