PAR ta organisa kurso tokante elekshon di Parlamento Europeo.
PAR ta organisá kurso tokante elekshon di Parlamento Europeo.
Durante e temporada di 23 pa 26 di mei próksimo, lo tin elekshon pa Parlamento Europeo. Esaki lo ta e di 9 elekshon, pa kual abitantenan di kontinente Europeo i islanan ku ta pertenesé na un pais den union Europeo, por vota pa asina postulá un representante di un forma direkto den parlamento Europeo. Habitantenan di Kòrsou, komo parti di Reino, ku ta karga e nashonalidat Hulandes tambe por registrá pa asina hasi uso di nan derechi di voto.
PAR ta haña importante pa nos pueblo ta informá di e posibilidat aki i tambe e importansia di Parlamento Europeo pa Kòrsou. Resientemente Kòrsou a tuma presidensia di ‘Overseas Countries and Territories Association’ (OCTA), komo pais LGO. E notisia aki ta algu balioso i ta bon pa e nifikashon di esaki ta konosí.
Den kuadro di esaki PAR ta organisá un kurso ku durashon di dos (2) dia, kaminda tur ku partisipá ta risibí mas informashon tokante Parlamento Europeo i su nifikashon pa nos pais. Tópikonan ku lo keda trata ta e.o. funshonamentu di Parlamento Europeo, Kòrsou su posishon komo pais ku ta forma parti di OCTA i kon kada ken por hasi uzo di nan derechi di voto.
E kurso ta tuma lugá riba djárason 27 i djaweps 28 di mart 2019 di 6’or pa 8’or di anochi, na sede di PAR (Fokkerweg 28 B, na Saliña). Partisipashon na e kurso aki ta kompletamente grátis!
Direktiva di PAR ta invitá tur persona interesá pa apliká via mail na: par.secretaris@gmail.com esaki promé ku 25 di mart 2019. Tambe por tuma kontakto telefóniko ku Kimberly Asencion na 681-2143 òf Ana – Maria Pauletta na 518-8181, kual lo manda e informashonnan relevante pa aplikashon i suministrá informashonnan adishonal.
Kurso PARLAMENTO EUROPEO
Meta: alsa konosementu
Tópiko: (elekshon) Parlamento Europeo
Fecha: 27 & 28 of 28 & 29 mrt.
Orario: 18.00 – 20.00
Lugá: Sede PAR
Info:
Kòrsou komo parti di Reino por vota pa elekshonnan di Parlamento Europeo próksimo 23 pa 26 di mei. Ta importante pa nos pueblo ta informá di e posibilidat aki i tambe e importansia di Parlamento Europeo pa Kòrsou.
Resientemente Kòrsou a tuma presidensia di OCTA, komo pais LGO. E notisia aki ta algu balioso i ta bon pa e nifikashon di esaki ta konosí.
Den kuadro di esaki PAR kier organisá un kurso di dos dia. Kaminda e partisipante ta haña informashon tokante Parlamento Europeo i su link ku korsou. Temanan ku lo keda tratá ta:
* Parlamento Europeo
* Kòrsou LGO – OCTA
* Elekshon 23-26 mei 2019 ( fecha final pa registrá 9 april)
* Stemwijzer