Vandalismo ku ta ser komete pa hoben nan

E video aki ta papia pa su mes. Por bisa ku ta pa largu tempu e kosnan aki ta pasando kaba pero ta un echo ku sea ta bringamentu formal tin na porta di skol of den kura di skol of kual otro tipo di vandalismo ta ser komete pa propiedat di hende djis pa nan dibertishon. Mester kuminsa aktua ku man duru kontra di e aktonan aki. I no djis simpelemente bisa ku ta bai hasi algu i despues di tempu tur kos ta keda meskos. Ta un payasada ora bisa ku esun ku filma tambe ta kastigabel. Si no filma nigun hende no ta sa ku e loke nan a hasi a pasa realmente. A bisa den pasado ku lo pone kama pa por dokumente loke ta pasa riba nos kayanan i te awe nada. Aparentemente a pone algun kamara durante i riba ruta di karnaval. Pero sobra kaminda awo……..?

Laga nos ta hopi serio ku tur loke ta pasa riba nos dushi isla ku poko poko ta birando un sitio no masha agradabel pa hende biba. E asuntu aki no ta di perde speransa si no ban atende e kosnan ku mand duru pa por trek tur kos por na un manera ku bigun hende no tin molester di otro hende. Kaminda tur hende por biba trankil riba e pida baranka aki. No tira falta riba nigun hende. Sin no tira falta riba bo mes di no yuda di bo parti. I no puntra ku kiko bo mester a yuda si no yuda foi momentu ku bo kurason bisa bo ku loke bo ta mirado no ta korekto i no djis bira kara wak otrobanda hasi manera bo no a mira nada. Paso aki un tempu of algun par di aña ta den bo kas mes e bagabunderianan aki lo pasa i e ora ei bo ke rabia.

Hopi lo puntra kon lo atende ku e mucha nan ku kaba skol i ta kana hasi payasada riba nos kayanan. Bo mira algu filma / saka potret si bo tin miedu di mandanan pa polis. Manda nan pa un instansia ku si ta mande pa polisnan atende of sigui ku e tramite pa yega na sa ta ken. Hopi lo kritika mi pensamente pero ta basta. Nos ta un grupo di hende ku ta sali tira falta riba otro enbes di tira riba nos mes. Nos kada un ta e kulpabel di loke ta pasa riba riba e isla aki. Pa e simpel motibu ku nos ta bira kara aya banda i keda sin atende ku e problema ku ta den nos kara. Reklama politikonan. E politikonan ta asina aki paso ta semper nos a bira kara aya banda laga kos pasa. Nos mes ta keda sin informa nos mes. I djis kere den loke un politiko ta bisa nos. Nos ta floho pa buska informashon korekto. Nos mes ta un set hende ku no ke bai dilanti. Nos ke tur kos fasil.

I pesei e hobennan ta haña oportunidat di hasi manera nan ta hasi. Paso ta nos kada unu su falta.