𝗠𝗶𝗻𝗶𝘀𝘁𝗲𝗿 𝗕𝗼𝗲𝗸𝗵𝗼𝘂𝗱𝘁 𝘁𝗮 𝗵𝗮𝗯𝗿𝗶 𝗸𝗼𝗻𝗳𝗲𝗿𝗲𝗻𝘀𝗵𝗮 𝗱𝗶 𝗚𝗖𝗙𝗜 𝗻𝗮 𝗞𝗼̀𝗿𝘀𝗼𝘂 

Minister di GMN, Tyron Boekhoudt, a habri konferensha di Gulf and Caribbean Fisheries Institute (GCFI) ayera mainta.

E konferensha ta reuni ekspertonan, investigadónan i representantenan di diferente pais pa interkambiá konosementu i dialogá tokante protekshon di nos laman, peskeria i medio ambiente marino.

Durante anochi, Minister Boekhoudt a partisipá tambe na e “welcome reception”, kaminda e partisipantenan a haña oportunidat pa konosé otro, interkambiá idea i fortalesé kolaborashon.

Den su mensahe, Minister Boekhoudt a duna tur partisipante un kaloroso bon biní na Kòrsou i a invitá nan pa disfrutá di nos kultura i hospitalidat durante nan estadia na nos isla.